शिरूरमधील रुग्णांसाठी ऑक्सिजन उपलब्ध करा,लागणारा खर्च मी देतो-प्रकाश धारिवाल

          शिरूर शहरात कोरोनाचे रुग्ण वाढू नये म्हणून काय उपाययोजना करता येतील व रुग्णांना काय मदत करता येईल यासंदर्भात आज सभागृहनेते धारीवाल यांनी पत्रकारांशी चर्चा केली.राज्यात सर्वत्रच ऑक्सिजनची मोठी टंचाई आहे.शिरूरमध्येही ऑक्सिजनचा तुटवडा जाणवत आहे. शिरुरमधील ऑक्सिजन टंचाईसंदर्भात धारिवाल यांनी आज आमदार अशोक पवार व प्रांताधिकारी संतोष देशमुख यांच्याशी चर्चा केली.शिरूर मधील जनतेचे प्राण आमच्यासाठी महत्त्वाचे असूून त्यांच्या लागणारा प्राणवायू (ऑक्सिजन) कसल्याही परिस्थितीत उपलब्ध करून देण्याची विनंती प्रांत अधिकारी देशमुख यांच्याकडे केली.यासाठी लागणारा खर्च देण्याची आपली तयारी आहे असे धारिवाल यांनी यावेळी सांगितले.शिरूर शहर कोरोनापासून कसे मुक्त होईल यासाठी ज्या उपाययोजना करणे गरजेचे आहेे त्या उपाययोजना करण्यास नगरपरिषद कटिबद्ध आहे.मात्रर त्यासाठी नागरिकांचाही सहभाग महत्त्वाचा आहे.असे धारिवाल म्हणालेे.कोविड सेंटर सुुरू करण्यासाठी डॉक्टर्स, पॅरामेडिकल स्टाफ तसेच ऑक्सिजन याची गरज भासते. वैयक्तिकरीत्या अशाप्रकारे कोविड सेंटर सुरू करणे यामुळे शक्य होत नाही.कारण यातून काही कॉम्प्लिकेशन निर्माण झाल्यास राजकारण होऊ शकते. मात्र सध्याच्या काळात राजकारण न करता आपल गाव कसे वाचेल यासाठी एकत्र प्रयत्न करणे महत्त्वाचे आहे. असे धारिवाल यांनी सांगितले.